Отанын қорғаған батыр Бауыржан

«Жұртым» деп – жұмылып,
«Елім» деп – езіліп қызмет ет.
Б.Момышүлы

Жамбыл қазақ-түрік есеп-экономикалық колледжінде 2014 жылдың 4 қарашасында Отанына шын берілген, қайсар жүрек Бауыржан Момышұлылының 105 жылдық мерей тойына арналған «Отанын қорғаған батыр Бауыржан» атты салтанатты кеш өткізілді.
Кеш барысында Бауыржан Момышұлының өмір жолы, сұрапыл соғыс жылдарындағы жанқиярлық ерлігі, өжеттігі мен ерлігі, алғырлығы мен көрегендігі туралы өлеңдер оқылып, батырдың ойшылдығы, отаншылдығы, ұлтжандылығы, қаһармандығы, дарындылығы, жоғары адамгершілік қасиеттері туралы видео бейнелер көрсетілді.
Сонымен қатар Бауыржанның артынан қалдырған ауқымы кең «Елім» деп еңіреген ер ұлт, Отан, өмір, батылдық, тіл тағдыры, еңбек, оқу-білім т.б. тақырыптардағы өсиет сөздері оқылды.
Кеш жүргізуші білім алушылар, Бауыржандай алыбымызды ардақтай білейк, ұлтымызға ұран болған ұлы тұлғамызды ұлықтай білейік, тек қана қара дүрсін сөзбен емес, батыр ағамыздың атын дәріптейтін игі істермен, тиянақты тірліктермен дәлелдеуге тырысайық деп салтанатты жиынды аяқтады.

Медиа қызмет