Қарттарым – асыл қазынам!

«Көп жасаған қария ақылы теңіз дария. Көп өнеге сөзі бар,Сөзі-соқпақ, сөзі-нәр. Ата салты ардақты,әрбір сөзі салмақты. Сол сөздерді ұқпасаң, тістерсің бір күн бармақты.».
Қазақстан Республикасында қарттар мен мүгедектерге қамқорлық көрсету-мемлекеттің де жалпы қоғамның да басты міндеттерінің бірі болып табылады. Мемлекетіміздің өсіп-өркендеуіне, еліміздің бейбітшілік тыныш өмір кешуіне өз үлестерін қосқан ардақты да аяулы қарттарымыздың арқасы.Сондықтан саналы ғұмырларын Отан деп, тынымсыз еңбектерімен мемлекетіміздің негізін салуға жол ашқан әкелеріміз бен аталарымыздың көңілдерін көтеру мақсатында Жамбыл қазақ-түрік есеп-экономикалық колледжінің білім алушылары ізгілік және қайырымдылық мақсатында концерттік бағдарламамен 2014 жылдың 25 қарашасында «№2 қарттар мен мұгедектерге арналған интернат үйіне» барып өнерлерін көрсетіп қайтты.

Қарттарды құрметтемейтін, олардың алдындағы перзенттік парызын үлкен ынтамен орындамайтын, әдептілік, кішіпейілдік, сергек сезімталдық көрсетпейтін, бұл қасиеттер қанына сіңіп, жүрегіне ұяламаған ұрпақтан не қайыр?! Адамның өмірінің мәні мен сұлулығы, адамның келешегіне сенімділігі-баланың ата-анасын ардақ тұтып, өзінің перзенттік қарызын бір сәтке де есінен шырғаумауында.Өз отбасынан жылу таппаған қаншама қарттарымыз қарттар үйлерінде өмірлерін жалғастыруда.
Қарт кісіні құт-береке деп танысақ-ол ұрпақ көрегендігі. Ұрпағы құрметтеген ата-ана әр кезде де бақытты.

Медиа қызмет