«Жері гүлденген, елі түрленген, дамуы жедел-Мәңгілік Қазақстан!»

Қазақ халқы қашанда бірлік пен татулық мәселесіне ерекше мән беріп, оны тірліктің тұтқасы, өмірдің өзегі ретінде бағалап келген. «Бірлік бар жерде-тірлік бар», «Береке басы-бірлікте», «Ырыс алды-ынтымақ» деген сияқты көптеген мақал-мәтелдер соның айғағы.Болашақтың бірліксіз болмайтынын болжай білген бабаларымыз бала тәрбиесінде де осы қағиданы басты етіп ұстаған.Бірлік пен татулық тәлімнің қазіргі көп ұлтты қазақстан жағдайында маңызы ерекше.Қазақ жерінде қазір 140-тан аса ұлт пен ұлыс өкілдері өмір сүріп жатыр.
Қазақстан Республикасының Тәуелсізідігінің 25 жылдығының қарсаңында Жамбыл қазақ-түрік есеп-экономикалық колледжінде кең ауқымды «Жері гүлденген, елі түрленген, дамуы жедел-Мәңгілік Қазақстан!» атты фестивлі өткізілді.Бағдарламаға білім алушылардың ата-аналары қатысып, ән айтып, би билеп, сонымен қатар актерлық шеберлігін көрсетіп сахналық қойылымда көрерменді тәнті етті.
Мерекеге келген қонақтар қатар тігілген алты кииз үйде күтілді.Қазақтың салт-дәстүрі бойынша ою-өрнектелген, жіптен ширатылған, әшекейлі шашбаумен безендірілген қииз үйлер, көз тоймайтындай бір қуаныш сәт сыйлады.Фестиваль барысында өзбек, орыс, татар, қырғыз, тәжік, түрік бауырларымыздың әнін, биін тамашалаған жұртшылық білімгерлер мен ата-ананың өнеріне риза болды.Концерттік бағдарлама – қазақтың кең байтақ даласы үшін, қазақ деген халықтың тарих сахнасын ойып тұрып алған XV ғасыр ортасында Керей мен Жәнібек, іргесін қалаған Қазақ хандығының керегесін кеңейтіп, шаңырағын биіктеткен, босағасын берік еткен Тәуке, Қасым, Әбілхаир, Абылай, Есім, Кенесары хандарына арналып керемет дайындықпен орындалған театрландырылған сахналық қойылымдар арнап киген костюмдерімен және кәсіби жасалған гримдерімен жиналған көрермен қауымның ойынан шығып жақсы бағасын алды.
Тәуелсіздіктің 25 жылдығын мерекелеу қарсаңында өткізілген бұл фестиваль колледж білімгерлерін Тәуелсіздікті сақтау үшін бар күш-жігері мен өз үлестерін қосуына тәрбиелейді.Қазақ халқы көп ғасырлардан бері Тәуелсіздікке ұмтылып келді. Тәуелсіздікке қол жеткізуде көптеген ұрпақтың орасан еңбегі бар.Сондықтан мерекелеу әрбір қазақстандық үшін ерекше мәнге әрі маңызға ие болмақ.
Медиа қызмет