Мамандықтың бәрі жақсы.

Адам өз өмірінде ең бастысы мамандық таңдаудан жаңылмауы керек. Әркімнің өзіне етене жақын, жанына жағымды мамандық таңдау сәті- ақсақтаған арманының ең бірінші баспалдағы.Мамандық таңдаған соң, сол кәсіптің білгірі болу шарт.
Ағымдағы жылдың 12 ақпанында колледж білім алушылары «Қазақстан-Тараз» облыстық телеарнасының үздік тележурналистерімен кездесті.Олар журналист Садуақас Алмат-«Қайырлы таң Аулиеата» бағдарламасының жүргузушісі және Рыспек Лаура «Ақпарат-басты жаңалықтар» бағдарламасының диктор - редакторы.
Журналистика- әр адамның қолынан келе бермейтін, ерекше дарын мен төзімділікті, жігерлік пен еңбекқорлықты талап ететін мамандық.Бұл сала қызық пен шыжыққа толы. Журналист халықты тәрбиелеуші, үгіт – насихат айтушы.Әр елдегі төртінші билік иесі.
Алмат өз сөзінде:- «Журналистің басты мақсатының бірі-халық пен үкімет арасындағы қарым-қатынасты сақтап қалу.Нағыз журналист-еліне еңбек етіп, халқына дұрыс жол көрсетіп,бағыт-бағдар беруші адам.Маған осындай адам болу ұнайды»-деп бөлісті.
-Журналистиканы неге таңдыңыз деген сураққа,Рыспек Лаура былай деп жауап берді: -«Журналистика - өте қызықты, жауапкершілік пен мол еңбекті қажет ететін мамандық. Бұл мамандық адам бойындағы бүкіл өнерін, қабілетін, жақсы қасиеттерін ашуға көмектеседі. Ал ең бастысы-халқымыздың ойына, көзқарасына әсер ететін кәсіп. Сол үшін журналистиканы таңдадым.Мен үшін журналистика-ең ұлы, ең қастерлі мамандық.Қаншалықты жолы ауыр, қуанышынан қиындығы көбірек болса да, бұл менің таңдауым».
Медиа қызмет