Ата-аналар спартакиадасы.

Ата-аналар мен колледж арасында тығыз байланыс дұрыс жолға қойылған, өйткені ай сайын спорттық ойындарға ата-аналар белсене қатысып, ынтымақтаса жүргізілген жұмыстардың нәтижесі мол.
Жуырда колледж ата-аналары арасында «Қазақ хандығының 550 жылдығына» орай спартакиада ұйымдастырылды. Волейбол, теннис, шахмат спорт түрлері бойынша өткен жарысқа 60-тан жуық ата-ана қатысты.Қызықты да тартысты өткен спорттық сайыстарда,төрт командаға бөлінген волейбол турниры бойынша «Сұңқар» 2А сыныбының ата-аналар командасы жеңіске жетіп Телешев Қанат «Үздік ойыншы» атағын жеңіп алды.Теннистен 1А маркетинг тобының ата-аналары І орынға иеленді, ал шахматтан І орынға екінші жыл қатарынан чемпион атанған 2А сыныбының ата-анасы Оспанов Кенжебек жеңіп алып кубок иегері атанды.
«Денсаулық –зор байлық, адам бақытының бастауы»-дейді халқымыз. Ата-бабаларымыздың бұл дана ой пікірі талай ғасырлар белесінен өтіп бізге жетіп отырған шындық.Денсаулық адамға бірақ рет берілетін табиғат тартуы. Оны сақтау үшін ауырмай тұрып іс-әрекет жасау керек.
Медиа қызмет