«Қазақ батырлары»

Халқымыздың ұлттық салт-дәстүрін, әдет-ғұрпын насихаттап, ата-салтын ардақтайтын, өз елін сүйер нағыз қазақ жігітінің қасиеттерін бойына сіңіре білетін, өз елін, атамекенінің қасиетті топырағын сүйе білуге, батырлыққа, шешендікке, тапқырлыққа, имандылыққа ұрпақты тәрбиелеу мақсатында Тараз қалалық әкімдігінің мәдениет және тілдерді дамыту бөліміне қарасты қалалық мәдениет үйінің ұйымдастыруымен 2015 жылдың 6 қазан күні Қазақ хандығының 550 жылдық мерейтойына арналған «Қазақ батырлары» атты жігіттер арасындағы байқауы өткізілді.
Қиын да тартысты 6 кезеңнен туратын жарыста колледжіміздің білім алушылары:
Джанаев Ғазизбек – 2Д тобы, жігіттер арасындағы байқауында ІІ орынға ие болды, ал Рысбаев Жәнібек – 2А және Еркебек Мақсат -2С1 тобының білімгерлері, жігіттер арасындағы байқауына белсене қатысқаны үшін Тараз қаласының әкімі Н.Календеровтың «Алғыс хатымен» марапатталды. Колледжіміздің дарынды, шешен, ата салтын насихаттап, бойларында нағыз қазақ жігітінің қасиеттері бар екенін дәлелдеген жеңімпаздарымызға бұдан да биік жетістіктерге жете беруіне тілектеспіз.

Медиа қызмет